Oliver's Super Sandwiches (太古城中心)

营业中

休息中

太古城间super sandwich最近终于装修完。依家有两部自助落单机唔一定要排队，点餐过程快好多，而且摆低个传呼器喺枱面等咗三分钟都冇就已经有人送埋过嚟我张枱，超级快。我叫嘅呢碟挪威烟三文鱼蚬肉扁意粉配刁草忌廉汁，单点就$53，都可以加饮品同汤，但就要六七十蚊。虽然个名听落好丰富好高级，但原来实际上都冇乜料。啲三文鱼得几粒（甚至唔算「块」/「片」），而且啲汁有啲少，唔系好够捞匀循啲面。唯一比较好嘅系啲蚬肉，不过其实都冇乜味（海鲜？），只系知道咬紧啲系蚬之类嘅嘢。overall味道真系唔系好掂（尤其价钱唔平，不过我都明嘅，我食嘅系铺租），至于环境就都算唔错，啱啱装修完几靓。