茶點點心專門店 (已結業)

今晚忽然想去饮茶，于是黎到呢间叫茶点既迷你酒楼茶钱三蚊位，只得三款茶拣，仲要位迫得黎唔系成壶放响度比你斟，好似茶记咁有人添茶，好明显重点就系要你放响个点心度啦名物鲍鱼烧卖必食，十一蚊粒唔算平，但黎到都原只迷你鲍鱼响度绝无欺客，食落都有鲜鲍味又唔难咬，烧卖唔会鞋口，每人一粒都食得过原只鲜虾饺比起上黎就无甚特别，十八蚊好似贵左少少。市面上怀旧马拉糕买少见少，几乎变晒奶皇果只，于是叫黎食下怀旧既黄糖马拉糕，热辣辣松软可口，唔会太湿身。春风得意肠粉即系春卷包肠粉，应是即叫即卷之作，因为热腾腾既肠粉之下既春卷依然十分脆，又唔会炸得太焦，当然呢味点心要快食啦，如果唔系放得耐唔好味架！此点心相当有新鲜感。唔够喉再叫叉烧包，比正常酒楼稍细只一些，入面馅料都够香甜多汁。珍珠鸡系顶肚之作，打开发觉比一般酒楼货色多了一阵荷叶香味，也不会干争争，不错。煎粉果则一般，个皮无味亦相当黏牙，好像吃炸年糕一样，随粉果上的沾汤亦于是无补，下次可以不吃。看来此店是以快餐形式供应酒楼点心，于是位比较窄，茶也不讲究，有时时间赶，止止茶瘾是可以，可是点心价钱不便宜，水准不见得十分出色，应该不会常来了。