Italian Tomato Café (已搬遷) 新店位置

三个人要去openrice搅嘅灯笼班，时间都几长，所以食埋午餐先去，可惜我搭车迟咗！先叫朋友攞位，叫定食物！我到时刚刚好有得食！食物由佢发办！去到坐近门口四人枱，唔迫几舒服！浅木配红皮椅！简约风格！餐汤「蕃茄忌廉汤：整少见到用蕃茄煮忌廉汤（可能惯了红/白汤分开）所以今次饮，味道竟然好好味，蕃茄酸酸地又忌廉汤几滑！忌廉菠菜烟三文鱼意粉：午餐，菠菜同三文鱼都几多！三文鱼切粒，唔过咸，仲几滑，菠菜唔嚡口，意粉比我喜欢嘅淋啲，不过都有咬口！唔错！樱花虾明太子忌廉意粉：卖相几靓，不过唔觉明太子嘅咸香，樱花虾又无乜味，只系增加脆脆嘅口感！意粉又偏淋！一般！冻柠茶：大杯，自己加糖浆，茶底唔同茶餐厅，唔够浓！不过都合格！来西式餐厅预咗！招牌热咖啡：朋友饮！店员好爽，攞碟埋单都好爽手！其实我哋只系食咗半小时！快快去上堂！