四川担担麵 (已結業)

提款遇著提款机死机，今日要去取回张卡！ 之后先食午餐，因为已过了午餐高峰时间，所以都唔使怕排队！上网揾一阵！见附近呢间担担面店食品唔错！去到店内无客！快餐店格局（柜台上仲有食物灯箱，座位阔落，光猛干净，门口有普通话收银阿姐落单！（讲到我条脷打结 ）佢介绍我食午市套餐（$70），A(主菜）+B（小食）+C（饮品），我拣时候佢都比好多意见我参考，例如问我钟意干定汤面、泡菜钟唔钟意酸之类！拣好坐下来，好快店员会取餐比我，快餐型式，除了主菜用瓦碗之外，其他饮品同小食都系用即弃容器！成都担担面：热拌面，叫了少辣，都好辣！但仲食到（不过食到系咁流鼻涕 ）花生酱肉酱好浓！沾满弹牙有咬口面条食！好味道！四川泡菜：白醋蔬菜片，酸味为主，蔬菜片好薄，咬落好爽口，可以解担担面嘅浓味！虽然个胶兜卖相唔好，味道唔错！份量都唔少！茉莉花茶：纸杯上，唔系茶包，仲见到啲茶叶（而且隔离枱问过，收银阿姐话系茶叶冲嘅）茶几香够浓！够热！如果用瓦杯存热会更好！服务勤快，其实都系得收银阿姐一脚踢，收钱打飞执枱！佢仲会比其他食客意见！辛苦了！快快食一餐满足嘅面食！