金亞淶泰國餐廳

营业中

休息中

年头喺朋友介绍之下，去过一间位于荔枝角工厂大厦嘅泰式餐厅，大件夹抵食，一直都想再去但系未有机会。终于今次朋友返香港要去食饭，佢哋想拣返九龙嘅餐厅，咁我就同佢哋去呢度食虽然佢哋有好多唔同嘅嘢食拣，但系个套餐真系抵到冇得输，所以我哋就决定叫套餐再另加单点项目。生菜包真系我嘅至爱，调味配合一流，唯一缺点就系好食到唔够喉柚子沙律系一道典型的泰式开胃菜，柚子肉同特制嘅泰式酱汁，每一口都系清新与酸爽嘅完美结合，我冇喺任何一间其他泰国餐厅食过味道咁多层次嘅。串烧猪肉鸡肉：肉嘅份量毫不吝啬，佢哋呢间餐厅最出色嘅真系调味，特制嘅泰式甜酱令每一口都系满足感。炸虾饼就系另外嘅单点项目，外皮酥脆，入面嘅虾肉嫩滑多汁，搭配上特制嘅甜辣酱，真系想食完再食。最后叫咗之前朋友介绍话一流嘅椰皇三重奏，上次因为病咗食唔到，今次一定要叫返。一啖入口，我同朋友都学味吉阳一（嚗露年龄系列）大叫：好好味呀！三重奏系炸椰丝、椰汁布甸、同椰青啫喱，入口三种唔同味道同口感，但系异常配合，唔知边个谂出嚟嘅。呢个甜品简直系完美嘅收尾。呢餐，朋友都系赞不绝口，加上价钱真系抵到烂，几个月冇嚟水准都维持到，希望佢哋可以继续keep住，等我继续有