金閣御膳正宗海鮮蒸氣石鍋 (已結業)

呢间餐厅嘅海鲜真心觉得好味！！！行入餐厅会有一块大黑板，上边写著每日推介：啱啱好我呢日去到推介嘅有花生木瓜煲猪展$38、象拔蚌刺身$398、生蚝$10/只。 嚟到呢度各种食材都可以用石锅蒸嚟食！！健康又好味... 228蚊嘅安格斯牛肉，大部分都系瘦肉部分，好少有肥嘅部分，食材新鲜，肉质鲜嫩多汁。口感一流 80蚊嘅法国蚝。每一只都好大啊，味道好鲜甜，口感嫩滑，而且唔会有腥味。 四宝蔬，有粟米、菜心、南瓜同白菜。蒸完出嚟原汁原味。60蚊嘅乌鸡豚肉丸同埋48蚊鲜虾云吞。爽口弹牙，皮薄肉嫩 如果觉得唔够味，可以嚟翻一个288蚊嘅意大利海鲜汤底，味道浓郁。