蘭英印尼小食 (已結業)

今日又再黎食过，可惜老板娘行开左，得老板一个做唔切，唯有较慢个烧烤垆慢慢烧，方便自己做第二样野，结果烧得唔够香口，有Ｄ失望，另外试左烧花枝丸，味道几特别，值得一试，贪心Ｄ再加个巴东牛肉黄饭（套餐＄２２蚊包埋野饮），巴东牛肉香腍入味，好有牛柳feel，个炒黄饭粒粒分明，烟烟韧韧，食到底连油都见唔见滴，虽然白饭改黄饭加５蚊，但系即炒得咁好食就乜都抵返，相信都系工多艺熟之故。今次个沙嗲汁唔辣，不及上次个辣沙嗲汁咁好味，同官塘华苑印尼餐厅比串烧类兰英赢晒，巴东牛肉就各有千秋，如果比较埋价钱，兰英就真系抵食到冇野好讲咯。