盛記酒家

营业中

休息中

本身老公呢晚会喺呢头放工，又想食中菜小炒煲类𠮶啲，所以就谂起群策大厦。自己早到喺大堂见到有间「 盛记 」， 有谂前身系唔系兜记，不过无所谓啦，一于试试。菜式都几多选择，一般小炒$108-$148。眼见份量都几足、几大煲，所以谂住两个人嗌两个𩠌就得。点知阿爸阿妈忽然打嚟话喺附近，想一齐食饭！好彩呢度坐得算舒服唔迫夹，啲野食又几惹味同大份，两老应该会满意，所以就忽忽然变成一枱4人嘅family dinner。芥酱 $4/位茶茗 $15/位白饭 $14/碗见啲煲热辣辣好香，一次过叫咗三煲！《 南乳粗斋煲 💲118 》好多料，雪耳、云耳、茄子、菇、西兰花、菜同粉丝，全部索晒汁好正，啲汁好香浓惹味。《 咸鱼鸡粒豆腐煲💲118 》啲豆腐粒炸过几香口，入面就好滑，咸鱼鸡粒都几多，啖啖都食到。整体咸香又不过分。《 红酒烩牛尾煲 💲148 》牛尾好多，啲肉好稔又带点胶质好正，再加咗洋葱同甘笋，够稔入味，个酱汁更多份鲜甜～呢三个煲都好岩捞饭食！《 炸子鸡半只 💲148 》炸得鸡皮好香脆，但啲肉又唔会干同油，蘸喼汁好提味。4人4个𩠌加白饭已经饱到上心口，埋单都系$600有找。