摩芽雞蛋仔

营业中

休息中

卖到二三十蚊嘅鸡蛋仔，冇错系好多花款，又唔同颜色又喺中间摆唔同嘢咁，可惜本末倒置，连普通小食档卖紧$13𠮶底都不如。出色嘅鸡蛋仔系可以一粒一粒咁啪出嚟，而呢个价值廿几蚊同等咗十几分钟嘅产物，系要用搣嘅。拎上手已经知唔对路，睇相都feel到个口感同热香饼系冇分别（摄于出炉后一分钟内），一食果然不出所料，淋过毛巾。咁嘅质素已经唔expect入面嘅蛋浆会几香浓，而事实亦系完全食唔到。所谓嘅流心蜂蜜，原来系疑似蜜糖味嘅爆珠，又唔流心，又唔蜂蜜，得个甜字。顺带一提，珍珠奶茶质素亦奇低，系沟淡咗嘅茶味+稀稀地嘅奶水，实在大开眼界。