Café Moa Moa by Panash (已結業)

虽然系荃湾友，荃湾广场都算熟，但餐厅位置隔涉，位于掘头行，根本唔会经过，而且完全无指示牌，行咗两个大运先揾到。可能因为咁，所以假日其他场爆哂佢同无咩客。有落地玻璃超高楼底(其实系同翡翠mirror嘅位)，空间感舒适。P字头中高价面包铺开嘅cafe, 延续其贵气，tea set $78起，5岁以上最低消费每人一个tea set.炸篮份量可当正餐，两条春卷仔、两件炸鸡、两件炸鱼、薯条，即炸热辣辣脆卜卜，炸功唔错，唔会油淋淋。喜欢春卷同炸鱼，炸鸡薄身又干又鞋。配三款酱汁，他他酱突出，多酸瓜粒杰身但唔溜，点薯条都好好味。