度小月 (海運大廈) (已結業)

因为储咗好多海港城coupon，度小月系其中一间可以用到美食A coupon，食满$100就可以减$50，即系等如半价咁制，值得一试。担仔面：加入莞茜、肉碎、蒜泥，一只虾。但汤底淡，面嘅份量亦少到两啖就食完性价比偏低，一碗一定唔够饱。担仔粿条：原来粿条就系河粉，份量同味道都同担仔面一样，味道偏淡，略为失望。祖传肉燥饭：肉碎同饭嘅份量适中，每啖饭都包住肉酱，食落有台湾嘅味道，食完一碗都想再添食，味道出色过担仔面。