鼎王麻辣鍋 (金巴利道) (已結業)

台式火锅🍲之前一直喺台湾无缘分食鼎王麻辣锅，所以返到黎点都要打一次边炉。————————————————————————汤底叫咗鸳鸯锅，鼎王麻辣锅 + 酸菜白肉锅（鸳鸯锅），有小、中、大、特调4个辣度可以选择，而酸菜白肉锅亦可以有小、中、大3个酸度可以选择。麻辣鸭血相当惹味，口感弹滑，每件切件都非常厚，更是由台湾直送。90分钟内无限添加鸭血及豆腐（鼎王麻辣锅），鸭血控真系唔好错过！酸菜白肉锅则可以添加酸菜。#午市自选组合 $188/2 位 肉类：加$58 转日本黑豚肩肉，同另加$88 升级转上选牛小排。啲肉油脂分布好靓，好打卡able ！传统与丸滑类 ：蛋饺、墨鱼棒，有两条。同另加$38 有一品蟹滑膏。蔬菜类：有三款选择，拣咗边炉必食既油麦菜。粉面类：叫咗粉条，质地系似薯粉，不过系扁同薄身啲。追加饮品系$49 叫咗冬瓜茶，一大勺，台湾野唔少得就系冬瓜茶。