強小亭

营业中

休息中

返完乡下又挂住乡下可以点？！紧系揾间正宗日餐去解思乡之情啦！今次嚟到强小亭，一入到餐厅就知道冇拣错，坐位够宽敞、装修好细致，坐另一边嘅仲系日本人添，听住靓女侍应嘅日文对答真系满满解开嘅思乡之情！嚟到食物，喺香港要食到好食嘅汉堡扒唔系易，不过一入嚟坐低佢比到好大嘅信心我，所以第一道菜就拣咗「A5和牛汉堡扒」，由前菜核桃小鱼干、沙津到茶碗蒸样样都一丝不苟，和牛汉堡扒完全喜出望外，我觉得直头好食过日本添呀！咬落够晒松软多汁，就系呢个感觉！饭系用嘅系鸟取星空舞米，直头令我谂起鸟取嘅星空同肉眼都可以望到嘅银河，真系好浪漫好有画面呀！另一道菜拣咗「特选A5和牛烧肉配涮涮锅」，每日来货都会唔同，所以食到咩肉就要睇缘份嘞！我今次真系心心眼，因为有丸芯 マルシン、フランク腹胁肉同カイノミ腰脊肉，丸芯系大腿内侧嘅位置，肉质细嫩、油脂分布均匀，腹胁肉系牛腹近牛肋嘅位置，牛味浓郁够晒鲜味，腰脊肉系中腹接近腰脊嘅部位，三款肉都系稀有部位，配埋鸟取藻盐同星空舞米真系一大享受最后加埋呢个暖笠笠嘅玫瑰芝麻团子为呢餐做个完美嘅句号。