本家韓國料理

营业中

休息中

朋友生日，佢话呢间好难book位，所以特别嚟试吓。一上到去真系超级多人喺门口排队，好彩预先book咗位。见啲侍应姐姐都好忙，坐低想饮杯啤酒先，都好难叫到一个姐姐停低。叫完嘢食，先上咗几碟前菜，味道系唔错嘅，前菜黎讲特别钟意碟薯仔。因为几个女仔食唔到好多嘢，虽然间嘢出名酱油蟹同烧鳝，但系结果冇叫。泡菜薄饼冇乜泡菜味，味道可以。跟住我哋点咗牛舌同埋牛排骨黎烧，呢间嘢比较好，因为佢啲姐姐会帮我哋烧，自己烧会成日烧㶶晒，嘥晒啲嘢。但呢2个肉都整得几好味，唔似出面啲韩烧就咁腌到d肉无哂肉味。另外仲点咗个鱿鱼，少少辣，都系味道唔错嘅选择。出面啲韩烧唔会有催促嘅感觉，呢到因为d姐姐好急赶好忙，搞到我都食得有啲紧张。整体感觉ok la，价钱偏贵，出面啲韩烧唔会有催促嘅感觉，但系呢度感觉就好赶好紧张。