影片
更多
2022-04-25
340 浏览
难得戏院开番，今日终于有机会入场睇戏喇。散场时已经系晚上七点半，正啱系食饭时候。喺沙田睇戏唔使忧揾唔到地方食饭，怕嘅系人多。虽然系礼拜日晚，神奇嘅系餐厅一啲都唔爆，睇咗几个餐牌之后，终于决定食呢间Parkview。呢间餐厅已经唔系第一次食，坦白讲，我对佢冇乜太深刻印象，反正我都系陪仔女食饭的，咁就由佢哋揸fit啦！我哋三个人要咗三个餐，阿仔要咗个香煎鹅肝烩意大利饭，阿女就话要慢煮鸭胸泡菜意粉，我唔想食pasta，就叫咗一个纽约牛肉汉堡，另外三个餐都加咗个升级组合。因为升咗级，最先上嘅系面包同埋椰菜花忌廉汤。坦白讲个汤真系非常之麻麻，冇味冇道，要自己加啲盐同胡椒粉至叫做饮得落口。跟住上嘅系鹅肝烩意大利饭，睇落去唔觉得十分好食，阿仔亦都话啲饭有啲淡。接住嚟嘅系鸭胸泡菜意粉，我觉得呢个餐反而有谂头，竟然会谂到用泡菜去煮意粉，因为仔女对彼此嘅柯打都有兴趣，互相交换咗一半嚟食，叫做两个餐都试过，两个人都话泡菜意粉好味好多。至于我要嘅纽约牛肉汉堡，味道真系甚为不错，应该话系比我想像中嘅好。跟餐有薯条，炸得香口，个汉堡包甚为大个，牛肉亦都juicy，食落好满足。个升级组合除咗餐汤面包之外，仲跟埋一个
呢间餐厅已经唔系第一次食，坦白讲，我对佢冇乜太深刻印象，反正我都系陪仔女食饭的，咁就由佢哋揸fit啦！我哋三个人要咗三个餐，阿仔要咗个香煎鹅肝烩意大利饭，阿女就话要慢煮鸭胸泡菜意粉，我唔想食pasta，就叫咗一个纽约牛肉汉堡，另外三个餐都加咗个升级组合。
因为升咗级，最先上嘅系面包同埋椰菜花忌廉汤。坦白讲个汤真系非常之麻麻，冇味冇道，要自己加啲盐同胡椒粉至叫做饮得落口。
面包同椰菜花忌廉汤
24 浏览
0 赞好
0 留言
跟住上嘅系鹅肝烩意大利饭，睇落去唔觉得十分好食，阿仔亦都话啲饭有啲淡。接住嚟嘅系鸭胸泡菜意粉，我觉得呢个餐反而有谂头，竟然会谂到用泡菜去煮意粉，因为仔女对彼此嘅柯打都有兴趣，互相交换咗一半嚟食，叫做两个餐都试过，两个人都话泡菜意粉好味好多。
香煎鹅肝烩意大利饭
$148
38 浏览
0 赞好
0 留言
慢煮鸭胸泡菜意粉
$118
35 浏览
0 赞好
0 留言
至于我要嘅纽约牛肉汉堡，味道真系甚为不错，应该话系比我想像中嘅好。跟餐有薯条，炸得香口，个汉堡包甚为大个，牛肉亦都juicy，食落好满足。
纽约牛肉汉堡
$138
20 浏览
0 赞好
0 留言
个升级组合除咗餐汤面包之外，仲跟埋一个甜品同餐茶。我哋三个人都要咗三杯冻柠水，甜品系雀巢迷你盒装vanilla雪糕。阿女话其实个餐厅都叫做高级，可惜尼个雪糕令人觉得cheap哂，如果雪糕用杯上会觉得同餐厅格局比够一致。
雀巢雪糕和冻柠水
7 浏览
0 赞好
0 留言
埋单盛惠616，性价比唔高。咁嘅食物质素同埋咁嘅价钱，其实可以有更多好嘅选择。
张贴
