酷啡 (已改名) 查看

西贡唔一定食海鲜既，都有好多cafe仔都唔错！韩式龙虾意粉（$98）虽然系韩式，但意粉调味唔会太辣，反而好惹味，加埋小龙虾仔，龙虾份量都算多，好味！但整体份量比较少，大食既朋友好大机会唔够！什菌意大利饭配烧汁鳗鱼（$88）因为当日意大利饭卖晒所以转左意粉，意粉好弹牙，唔会话过淋。鳗鱼焗/烧过，干身而个皮好脆身，同意粉都几夹。但都系个句，份量有点不够！香草牛油焗田螺（下午茶$68包饮品）估唔到有六只，仲要都几大只！热辣辣上枱，加埋炒香既蒜蓉，唔错！法式焦糖炖蛋（$38）先唔讲味道，真系好似未食过一个38蚊既焦糖炖蛋咁平，本来都唔太大期待之制，但呢个性价好高！炖蛋同忌廉份量调教得岩岩好（蛋太多会好似食紧蒸水蛋/cream太多会好似食紧mousse cake咁)，好滑而且无泡，水准真系几高！强烈推介！总括黎讲，因为本人比较大食，所以建议不要饿住去食。甜品比较惊喜又平，推介！