燒肉一番 (已結業)

餐厅主打性价比高嘅路线，以前喺附近返工嘅时候间唔中口痕都会过嚟食个午餐价钱又唔贵，又可以食吓烧肉不知几爽。估唔到咁耐冇嚟，佢仲有keep住做优惠，本身价钱已经唔算贵落order𠮶阵竟然见到惠顾一个套餐仲可以送多50 gram嘅肉。$100都唔使食到两份肉又有饭又有汤又有前菜，呢个价钱都唔系好多间餐厅做得到。个人觉得黎到呢度，必点嘅系厚切五花肉，因为真系超级大块，烧完之后爽口弹牙肉味又浓。另外𠮶日另外印象深刻嘅系牛仔骨，又系一兜大大件，个份量系认真惊人。原条嘅鲭鱼都有手臂咁长铺满晒成个炉。当日嘅炸物都合格，脆卜卜热辣辣。每张枱嘅旁边都有四款嘅调味料分别系麻酱、黑椒、岩盐、同埋烧汁。我觉得基本上撒少少黑椒同埋岩盐已经非常足够。虽则佢每旧肉睇落去都好似雪住，但摆咗一阵解冻咗之后烧返起佢肉味都系非常之浓郁。总结：性价比非常高， $100有找仲要做埋promotion，无论喺附近返工定系住开嘅，得闲口痕想食吓烧肉，过嚟呢度真系不二之选。可能餐厅选址比较偏僻，我个人觉得呢间餐厅值得更多人流。