NN Coffee & Gin (裝修中)

今日同朋友行完工展会，就揾咗呢间喺鲗鱼涌1001号大厦11楼（个商场外墙有中信大厦嘅字样，认住摩登嘅大厦就唔会行错啦）嘅Cafe试吓，呢间Cafe好多粉红色嘅嘢，少女心爆发，好适合同闺蜜，坐低打吓卡食吓嘢倾吓计。我哋叫咗炸黑松露薯条 $68蟹肉南瓜牛油果手工意粉 $98牛角包窝夫 $72Mocha $45Rose Latte $46首先嚟咗两杯嘢饮，咖啡拉花好靓，咖啡好香。跟住嚟咗手工意粉同埋薯条，手工意粉蛋味好重，薯条新鲜炸起好香脆，配上嘅黑松露酱都十分慷慨，食完都仲有!最后黎埋即叫即整嘅窝夫，配上云呢拿雪糕、香蕉粒、蓝莓、士多啤梨粒，为完美嘅lunch画上句号。呢间餐厅冇收加一，我哋假日来，亦都冇时间限制，喺鲗鱼涌同太古呢啲贵价地方算系性价比一流，值得一试。