相馬日式火鍋 (已結業)

平时就去其他打边炉嘅地方就一定食贵牛嘅 ，咁基本上就一定有保证保障啊吗今次就想试下最平𠮶个set啦（美国进口 $168 𠮶个set），睇下佢平嘢质素又会差几多啦好！依家入正题啦！首先要点评嘅系啲牛肉真系好肥！对于我同女朋友（钟意食瘦牛）黎讲有啲难入口，应该话入唔到口。呢个餐相对地最好味可能真系啲猪，鸡肉就一般般啦，但点都好过啲牛。丸类、菜类、酱汁𠮶啲选择或者味道就都同其他火锅放题差不多架啦反而最惊喜就都系啲炸物同串烧！串烧方面，个人推荐酱汁款多过盐烧款。而服务方面，对于啲服务员有啲失望...要主动要求先会提供点炸物同串烧嘅纸仔。如果本身唔知呢间有炸物同串烧点嘅朋友仔，就真系会继续唔知啦，咁就有啲可惜另外有啲女服务员都几唔友善下...始终都系啲男服务员最友善有个肥嘟嘟嘅哥哥好有heart咁介绍啲肉系咩部位啊！赞！另外有部分汤底要再另外加钱，今次就冇试到啦。