影片
更多
2021-04-29
4180 浏览
生日正日去咗食八寸嘅omakase满心期待嘅omakase店舖入面俾其他omakase餐厅较暗。Bar枱嘅位有6个，但疫情关系所以当晚只有4个客人坐Bar枱前菜款式有酒煮东风螺，肝脏同鱿鱼仔。东风螺唔会太韧，个汁甜甜地肝脏我自己本身唔系好食内脏但都试咗，入口唔会有太多腥味臭味，所以可接受。鱿鱼仔配咗甜甜酸酸既芥末都几开胃。第三道就已经系火炙嘅刺身，烧过嘅鱼皮带啲油香味，唔需要刺身豉油都感觉不错。再嚟就系个蚝，本身自己都好钟意食生蚝。所以蚝味重嘅生蚝或金属味重都可以接受。呢个生蚝比较淡身，少甜少回甘感觉清新。再下一道又系鱿鱼，但呢个就系刺身。本身已经调配咗酱汁再加少少姜蓉。姜嘅辣味刺激味蕾但同鱿鱼唔太夹。螺片刺身，师傅话可以试下吱少少青柠汁或者好似平时咁夹豉油wasabi。青柠汁配螺片其实好fresh食到螺片本身既甜味。又系火炙刺身（已经唔记得咗系咩鱼，师傅每次介绍都好细声）但呢款鱼嘅油味比前菜𠮶款再重一啲。虾刺身，本身虾系鲜甜下面仲有虾膏系几出色。上面嘅辣椒点缀可以唔需要。吞拿鱼三重奏——赤身，呑拿鱼腩，火炙大呑拿鱼腩。正常呑拿鱼，不过又系火炙好似冇好大嘅变化。矶烧鲍鱼配咗蟹膏烧，但蟹
满心期待嘅omakase
店舖入面俾其他omakase餐厅较暗。
Bar枱嘅位有6个，但疫情关系所以当晚只有4个客人坐Bar枱
前菜款式有酒煮东风螺，肝脏同鱿鱼仔。
东风螺唔会太韧，个汁甜甜地
肝脏我自己本身唔系好食内脏但都试咗，入口唔会有太多腥味臭味，所以可接受。
鱿鱼仔配咗甜甜酸酸既芥末都几开胃。
第三道就已经系火炙嘅刺身，烧过嘅鱼皮带啲油香味，唔需要刺身豉油都感觉不错。
再嚟就系个蚝，本身自己都好钟意食生蚝。所以蚝味重嘅生蚝或金属味重都可以接受。呢个生蚝比较淡身，少甜少回甘感觉清新。
再下一道又系鱿鱼，但呢个就系刺身。本身已经调配咗酱汁再加少少姜蓉。姜嘅辣味刺激味蕾但同鱿鱼唔太夹。
螺片刺身，师傅话可以试下吱少少青柠汁或者好似平时咁夹豉油wasabi。青柠汁配螺片其实好fresh食到螺片本身既甜味。
又系火炙刺身（已经唔记得咗系咩鱼，师傅每次介绍都好细声）但呢款鱼嘅油味比前菜𠮶款再重一啲。
虾刺身，本身虾系鲜甜下面仲有虾膏系几出色。上面嘅辣椒点缀可以唔需要。
吞拿鱼三重奏——赤身，呑拿鱼腩，火炙大呑拿鱼腩。正常呑拿鱼，不过又系火炙好似冇好大嘅变化。
矶烧鲍鱼配咗蟹膏烧，但蟹膏本身味浓淹盖咗鲍鱼嘅味道。
寿司嘅部份，可算系失望之中嘅失望。寿司最紧要嘅醋饭⋯⋯食紧其他刺身嘅时候都冇见到师傅煮饭或者打饭。反而见到佢将用剩既醋饭放入微波炉叮⋯⋯十分失望。食材新鲜但醋饭唔得，寿司唔会好食得去边。
最后用鱼汤做结尾，鲜甜又冇腥味。
总结一下，整体嚟讲食材系新鲜，但醋饭嘅事成为咗成餐饭嘅一个败北位，所以性价比唔高。可能只系当晚有咁嘅情况，但应该唔会再去。
（全晚食咗17样野连甜品，相片未能尽录。）
张贴
