徐記廚房點心 (已結業)

今日又黎一盅两件，黎到太子哩间点心专门店试试去。正值平日中午时间就无坐满，但都有几枱客用紧餐😋。一坐底，员工无问我地要咩茶，就俾左一壶茶🫖，唔知系咪预设左，我地就无多问。然后点左几个点心试试🥢，就重点简评一下。凤爪排骨饭 $29排骨比较肥，饭偏烂唔够分明。黄金流沙饱 $20一盅两件，大大个，够哂流心，但包皮好厚。芫荽烧卖 $38无咩特别，就咁放芫荽系面，猪肉烧卖正常。翠绿叉烧肠🐷 $30最唔推介，个皮几层厚，啲馅好碎又少。香煎萝卜糕 $25好粉，唔够萝卜咁。徐记虾饺皇🦐 $33咁多款算最好食，皮系薄既，烟烟韧韧。唔知点解全部点心都唔热，除左虾饺🦐之外，几乎可以用冻黎形容，其实都好影响食用感。而后来有食客入座都听到侍应有问佢地饮咩茶🍵，成件事好离奇，但正题系食物质素真系有待改善🥲，连平日有衣食好少比劣评既朋友都柠哂头。