和牛燒肉一郎 (新都城中心二期) (已結業)

前排喺Klook见到和牛买一送一优惠，平均每人都只系600左右，所以谂都唔谂即刻买左。我地买左最贵𠮶个餐，除左头盘𠮶D冇得再叫之外，其他menu上嘅都可以无限叫，款式都几多，牛有27款，仲有牛肉刺身、牛肉寿司呢D比较特别嘅野。讲返个头盘，讲到明食完冇得再叫，咁我嘅对佢嘅期望就会比较高，但除左一开头个极上夏多布里昂油脂比较丰富同埋较为嫩之外，其他肉类都好一般，总括而言大部分肉类都好鞋好多筋。如果原价系$1300一位的话，我会觉得个质素对唔住个价钱。海鲜的话，虎虾同甲罗烧系OK嘅，虎虾够大只，肉身弹牙；甲罗烧蟹膏味道好香；而其他例如青口帆立贝系完全冇味道的。其他有得任叫嘅值得一赞嘅系D炸物，真系即炸同埋真系炸到外脆内嫩。其余嘅都系普通质素。Btw，店员服务态度好好，得闲行过都会提醒下我地要点整会好食d，又会问我地d食物o吾ok，但呢个食物质素都真系好难会再返黎食。