定食8 (已結業)

之前食过几次外卖嘅定食8，都觉得佢啲丼饭都唔错。今次突登出嚟试下究竟堂食如何。三文鱼三重奏 $58三文鱼不过不失，但饭嘅调味啱啱好，以呢个价钱仲附送面豉汤嚟讲系唔错，而且面豉汤中仲有几块鱼肉，我觉得个饭系咁多间丼饭中数一数二。鲭鱼丼 $3838蚊一个丼饭仲有面豉汤送！！！？条鱼煎得啱啱好，有肉汁，面头嘅酱汁同条鱼都几夹，平时唔食鱼皮嘅我都食哂成条鱼（当然留返啲骨）蒜蓉扇贝 $28👌呢个价钱嚟讲扇贝嘅质素算系咁，唔韧，但个调味差咁少少，但以出面一半嘅价钱食扇贝我觉得系咁，如果剩系口痕想食下就建议买个嚟过下口瘾总括嚟讲我觉得呢间嘢嘅性价比好高，适合唔想食咁贵但有返咁上下质素嘅人，但如果系对食物好有要求就唔建议呢一间，服务同环境都系正常嘅质素。