影片
更多
2021-06-24
2827 浏览
今年的4月5月6月都有帮衬过Forte，buffet 枱食物没有改变，几次都一样，main course 好似有一两样转过，折扣就越来越少，会员现在只有8折。坐低冇耐，店员就问咗三次想要咩主菜，明明有一个选择系buffet dishes only $208，唔知点解咁心急。而我迟迟不叫主菜系因为佢地习惯唔会配合客人进食节奏，你叫咗主菜，佢煮好就会俾你，次次我都未食完头盘就会放低主菜。唔似得其他酒店餐厅，会询问你可以上主菜未，先至上。不过我见佢问咗几次，我就唯有点咗先。一如我所料，啱啱拎咗一碟三文鱼，佢就俾个主菜我，搞到我都唔知食边碟先好。呢个慢煮牛肋肉，好入味，够淋，有水准。但系啲主菜比起以前细碟咗好多，得半件。友人的肉眼牛扒得手板咁大。食完主菜都冇饱嘅感觉，就继续食buffet bar嘅嘢. 食完主菜先至饮汤有啲奇怪，如果我再去，一定会坚持唔叫主菜住，唔好俾佢破坏晒我啲次序。个汤好清甜，应该冇味精。佢啲沙律选择好多，最钟意佢有好多好多火箭菜，火腿就比较咸，但系好贴心咁样蜜瓜同火腿放埋一齐。芝士都有几款选择，而且味道都唔错。鹰嘴豆酱就完全唔合格，咸到不得了，根本入唔到口。餐饮又系未食到
坐低冇耐，店员就问咗三次想要咩主菜，明明有一个选择系buffet dishes only $208，唔知点解咁心急。
而我迟迟不叫主菜系因为佢地习惯唔会配合客人进食节奏，你叫咗主菜，佢煮好就会俾你，次次我都未食完头盘就会放低主菜。唔似得其他酒店餐厅，会询问你可以上主菜未，先至上。
不过我见佢问咗几次，我就唯有点咗先。
一如我所料，啱啱拎咗一碟三文鱼，佢就俾个主菜我，搞到我都唔知食边碟先好。
呢个慢煮牛肋肉，好入味，够淋，有水准。
但系啲主菜比起以前细碟咗好多，得半件。
友人的肉眼牛扒得手板咁大。
食完主菜都冇饱嘅感觉，就继续食buffet bar嘅嘢.
食完主菜先至饮汤有啲奇怪，如果我再去，一定会坚持唔叫主菜住，唔好俾佢破坏晒我啲次序。个汤好清甜，应该冇味精。
佢啲沙律选择好多，最钟意佢有好多好多火箭菜，火腿就比较咸，但系好贴心咁样蜜瓜同火腿放埋一齐。芝士都有几款选择，而且味道都唔错。
鹰嘴豆酱就完全唔合格，咸到不得了，根本入唔到口。
餐饮又系未食到一个钟就已经不停问你饮咩，我因为唔想杯咖啡冻哂，所以都系坚持食到7788先至叫啦。
佢杯咖啡都唔错。
佢甜品冇咩好拣，dinner 同weekend brunch 有雪糕，weekday lunch 冇的，所以我都冇食甜品。
埋单两个人$500 ，即系每人$250 ， $500就有三个钟头免费泊车，$300 就只有两个钟。
点解我觉得佢性价比低左呢，因为明明之前食午餐只系可以得到两个钟泊车，而家有三个钟，即系贵咗啰。
以前折后大约$200位 ，感觉比较OK，去到$250呢个价位，又好似可以加多几十蚊去食一个真正嘅酒店lunch buffet，起码有啲蟹脚，冻虾同雪糕食下。
总结：Dinner 性价比较高（有海鲜同刺身），Lunch 想坐下倾下计亦无妨（唔会有回本嘢，但头盆质数唔错）。
张贴
