和拉麵

营业中

休息中

行完12蚊店之后经过运头街，见到呢间拉面嘅职员喺度大力宣传佢哋拉面猪骨汤底肴足十几个钟，虽然当时有点微雨天气又凉返，但听到就觉得好暖胃窝心，好有冲动去食碗拉面。见到图中有三款拉面，我就点咗豚骨原味拉面，同埋唔驶再追加都已经有半只糖心蛋同木耳丝，而且仲可以多葱添。卖相似日本街头式嘅拉面，好传铳嘅感觉，先慢慢试下个汤底，猪骨味好出，好滑，糖心蛋保持一贯流心，蛋白亦都入味，豚肉明显有略为烧过，食落更香口满足。枱上有泡银牙，可随自己喜欢无限追加，呢个味道小辣，唔酸，我自己都加咗好多。另外柯打咗小食芥辣八爪鱼，估唔到份量都几多，平时食寿司都必点呢款爽口味浓嘅军舰，呢一刻只系想加碗日本米饭来搭配。总括而言，性价比中高，小食平均又只系三十零蚊，值得一试再试。