韓閣 (富裕樓) (已結業)

最近我成日都想食韩国菜。行过荃湾呢边，就行入去韩阁试吓啦。先上菜嘅系韩式猪手。猪手外皮好有口感，烟烟韧韧，充满骨胶原，没有肥腻感。肉都好好味，好易入口，加埋韩式辣酱、生蒜片和泡菜一齐食，惹味十足，好啱重口味人士。用生菜包著肉嚟吃，即刻减低食肉嘅罪恶感，可以愈食愈多。炸鸡系韩国菜餐厅常见嘅，今次叫咗三重芝士炸鸡，表面虽然沾满芝士酱汁，但仲食到外皮酥脆，而里面鸡肉嫩滑又juicy。讲返个酱汁，芝士味浓郁，啱晒芝士控人士。食完炸嘢想清清个口，呢个水梨鸡丝水冷面啱晒啦。清爽的鸡丝和清甜的水梨，味道清新，面条份量十足嚼劲，一定会令你饱肚嘅冷面。因为贪靓，所以叫咗两杯都系紫色嘅饮品。暖暖暖3.6牛乳紫薯奶口感滑顺，牛奶味浓郁，紫薯香甜。梦幻蝶豆花特饮样子很值得打卡，但唔系得个样，蝶豆花味道酸甜，再加咗钱加埋寒天晶球，清新口味好啱洗完热气嘢后饮。