元祖和風食堂虎藏

营业中

休息中

依间店价钱平，平至$50~$60就有拉面食。当然未食过前，会担心系同出面某啲非正式拉面店既拉面水平一样，$4X就有嘅拉面，通常面质似公仔面，汤底得个咸字，冇层次感。为左怕中伏，今次冇选拉面，而选$70既鱼酱油沾面。首先摆盘有啲特色，系粗面，鱼酱油汤睇落浓度有板有眼，配菜有洋葱、芝麻、猪肉粒、全只溏心蛋。拉面落汤即挂，口感同出面一般既极相似，都食到日式拉面既感觉，汤底唔会净系咸字，浓而少少结结既汤完全有鱼介味，证明唔会求其之作。不过饮得多可能会有太咸之嫌，建议系水吧装水。的确以$70嚟讲，算系几优质。最后，不得不提系依间溏心蛋超有惊喜，原只蛋蛋白已滑嫩唔会过熟，恰到好处，蛋黄如图所示好有光泽，完全流质。相比有时食到过熟唔流出嚟嘅蛋，依间完胜，而且充满蛋黄鲜味。