影片
更多
2023-12-01
1513 浏览
💁♀️💁♂️ 16/11/2023(Thu), Dinner🍽食过炮台山嘅Churros之后，💁♀️为食妙妙同💁♂️A先生慢慢行去天后方向揾食。我哋两个人都唔太肚饿，经过见到呢间八宝清汤腩🍜都唔错，一于今晚就食清汤腩🍜啦！餐厅格局就如一般粉面店，店舖不太大但坐得都尚算舒服。除咗主打嘅清汤腩，佢哋仲有一般鱼蛋、丸类等提供。而今晚我地order咗：🔆 清汤萝卜爽腩面🍜（$93）对于呢碗爽腩，💁♂️A先生系表示不爽嘅🙅🏻♂️。爽腩筋膜嘅部份比例好小，虽然筋膜食落都算爽滑，而肉嘅部份都腍滑有肉味，食落唔黏牙，始终筋膜比例唔高令到食落唔够满足。始终都系怀念之前大埔群记嘅爽腩，高质之余性价比高。清汤萝卜唔唔腍，亦都唔够清甜，食咗一旧就放弃咗🙅🏻♂️。汤底方面药材味浓，清澈唔油腻，入口顺喉舒服。幼面都煮得爽口弹牙，平常清汤腩A先生多数会配伊面，但店方并无提供。不过无都系好事，始终感觉呢个汤底同伊面唔会太搭配。🔆 清汤萝卜牛宝米粉（坑腩、爽腩、崩沙腩）（$123）💁♀️为食妙妙嘅牛宝米都同样，爽腩继续系食得不爽嘅。坑腩入口牛味浓郁，入味而不黏牙。崩沙腩带筋膜，入口腍滑有肉香。至于米粉就正正常常，无乜特
💁♀️💁♂️ 16/11/2023(Thu), Dinner🍽
食过炮台山嘅Churros之后，💁♀️为食妙妙同💁♂️A先生慢慢行去天后方向揾食。我哋两个人都唔太肚饿，经过见到呢间八宝清汤腩🍜都唔错，一于今晚就食清汤腩🍜啦！
餐厅格局就如一般粉面店，店舖不太大但坐得都尚算舒服。除咗主打嘅清汤腩，佢哋仲有一般鱼蛋、丸类等提供。
而今晚我地order咗：
🔆 清汤萝卜爽腩面🍜（$93）
对于呢碗爽腩，💁♂️A先生系表示不爽嘅🙅🏻♂️。爽腩筋膜嘅部份比例好小，虽然筋膜食落都算爽滑，而肉嘅部份都腍滑有肉味，食落唔黏牙，始终筋膜比例唔高令到食落唔够满足。始终都系怀念之前大埔群记嘅爽腩，高质之余性价比高。
清汤萝卜唔唔腍，亦都唔够清甜，食咗一旧就放弃咗🙅🏻♂️。汤底方面药材味浓，清澈唔油腻，入口顺喉舒服。
幼面都煮得爽口弹牙，平常清汤腩A先生多数会配伊面，但店方并无提供。不过无都系好事，始终感觉呢个汤底同伊面唔会太搭配。
🔆 清汤萝卜牛宝米粉（坑腩、爽腩、崩沙腩）（$123）
💁♀️为食妙妙嘅牛宝米都同样，爽腩继续系食得不爽嘅。坑腩入口牛味浓郁，入味而不黏牙。崩沙腩带筋膜，入口腍滑有肉香。
至于米粉就正正常常，无乜特别。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：6/🔟
❤🙆♀️(为食妙妙)整体食评：7/🔟
👉🏻 可以一试但不要期望太高，性价比不太高
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗🚗(5/5)
👉🏻 天后地铁站上盖有停车场🅿️，不远处既维园泳池有大量表位🅿️，只要唔系维园有展览/活动，不难揾到泊位。
👉🏻 天后地铁站过嚟都唔使5分钟路程，地铁、巴士、电车、甚至小巴都有唔少选择
🔆🔆🔆🔆🔆🔆🔆🔆🔆🔆🔆🔆🔆
张贴
