Kim's Spoon (MegaBox) (已結業)

一家大细嚟MegaBox玩，谂住揾间地方宽阔啲嘅餐厅食饭。所以，就决定食呢间。韩国餐厅一般都有免费嘅前菜食，但呢一间系冇提供嘅。韩式部队锅都系𠮶啲嘢，年糕，午餐肉，肠仔。佢只加咗一匙羹辣椒油调味，成煲野都剩系得个辣味。完全冇韩式辣酱、泡菜嘅味道。味道非常一般。辣炒年糕超级无敌辣‼️辣到我哋成枱人食咗一半就唔敢食。最后拎咗返屋企加啲芝士先可以食埋佢。其他嘅食物都系不过不失。冇乜特别。街外有好多韩国小舖整嘅嘢食韩国风味十足。但呢一间连锁嘅韩国舖头价钱贵但嘢食又麻麻，想坐得舒服都可以嚟下。