偉偉川菜 (兆安大廈)

营业中

休息中

餐厅的装修是街坊路线，一张张长枱排排坐，张枱比较高，坐得唔系几舒服。叫咗两个午餐，包一碗白饭同一罐汽水。餐厅用QR code自行落单。午餐嘅价钱都要80几蚊一个，青椒鱼，比较清淡，幻想以为会有青色嘅花椒，原来系青色嘅辣椒，冇咩麻辣味。不过鱼肉都算多。啲鱼肉都几滑。另外一个就回锅肉，比较油腻。蔬菜比较多，肉比较少。以餐厅嘅装修同埋服务嚟计，应该系同茶餐厅同一个级别，但系价钱就比较高。虽然味道ok但唔算抵食。绝对唔系食完可以坐下个种餐厅，系开工食完嗱嗱声走𠮶种。餐厅只收现金，任何信用卡八达通支付宝所有都唔收。