和三昧

营业中

休息中

我通常都会㨂中午食日式铁板烧，价钱在我可接受的范围，同时又可以享用高级的铁板烧，性价比好高。由于想食海鲜，我地三个人齐齐叫咗商务套餐，有清酒煮蚬，鱿鱼，蟹脚等，方面就有薄牛肉同埋猪肉卷。由于我哋三个都唔系咁钟意饮酒，所以个清酒煮蚬就觉得一般，好重酒味。牛肉同猪肉都系好好味，最钟意食薄切牛，配啲葱同蒜，好惹味。本身觉得板烧有猪肉，好似好蚀底咁，但系呢个猪肉卷有少少似北京填鸭咁，个皮好脆好香口，而肉质好嫩好Juicy, 大推！！呢间餐厅最特别系食完铁板烧之后，会邀请你去另外一个corner,饮埋杯餐饮，即刻可以慢慢坐之余，餐厅可以空返铁板烧为比第二台，我地唔使食完急急脚咁走。另外，同朋友我生日，可以带蛋糕上去，有蜡烛，仲唔收切饼费。餐厅安排好贴心。