瓊媽媽 (皇后大道東)

营业中

休息中

今日要买午餐外卖返公司食，谂起琼妈妈个猪软骨饭所以过去买，点知去到已经一早买晒，最后唯有食口水鸡菜饭加例汤。估你唔到价钱非常超值，如果我食白饭只系35蚊加所以加多两蚊要埋个菜饭。攞到返公司见碟头都几大，先试咗个例汤系合掌瓜萝卜煲猪肉，味道几清甜加8蚊都值得饮, 有住家汤水嘅感觉唔错。而口水鸡以呢个价钱同埋份量我觉得系抵食嘅，佢个口水鸡酱汁唔同一般四川菜做法，佢应该落咗少少花生酱，我觉得一啲都唔辣，所以同正宗四川菜有啲出入。而鸡既下面就放咗啲芽菜。鸡既嫩滑程度一般正常水平，而酱汁我就钟意正宗四川菜嘅口水鸡多啲，但佢啲鸡斩得唔好劲多碎骨，如果老人家食真系要小心。菜饭方面都几多菜就淡而无味，唔知系咪因为要健康啲少盐少糖呢？整体嚟讲我觉得呢餐饭绝对对得起佢个价钱，因为我唔加例汤只系$37，加例汤再畀多8蚊，但味道我觉得系正常水平，可以一试，但抵食。因我喺北角店食个猪软骨同咖哩牛腩饭都唔错，下次如果想食猪软骨唯有中午十二点之前叫定，如果唔系都唔使谂。