影片
更多
2021-11-06
516 浏览
比个劣食之鬼朋友带左去食呢间烧烤，当初佢话系日式烧烤但食蒜蓉茄子，我都已经r晒头，咁佢好极力推荐咪去试吓啰。星期六食饭时间去到，得几枱客，所以都坐得舒服，但电视播住无线经典金曲，吵耳非常。朋友一嚟就话要食甲罗烧，成78！蚊只，佢话非常之好食，真系对唔住，我朋友应该好少食好嘢嘅。甲罗烧嚟到，我揾唔到烧过嘅痕迹，只甲壳都几细只，蟹膏上面仲有啲结霜嘅蟹肉，味道正常，唔会唔好食，但略贵。然后点左牛舌，和牛粒，金菇包，蚬，烧蚝，露笋，鸡肾，鸡皮，椰菜，螺….well, 日式虽然走盐烧路线，但淡牟牟，我问你对唔对得住啲盐呢 ？但好在牛有牛味，鸡有鸡味。但蚬就一d味都无，又贵！金菇都成6x蚊包，但牛油金菇都几香嘅，除左淡左啲之外。谂谂下，其实都几健康呀。嚟到我最爱嘅蒜蓉茄子，成35蚊条，但店主入d细细只嘅货，搞到我俾人笑，烧完仲要切开九份，细细旧咁，教我点张茄子肉一条条咁撕离烧㶶左嘅茄子皮？可能店家有呢层嘅考虑，所以唔会张茄子烤㶶烤软，等你可以连皮吃挂？仲有食左羊肉，重羊苏味，少少咸味咁。玉子烧，无乜惊喜。最惊喜成廿蚊碗嘅卤肉饭，点解？一来贵到咸左，二嚟真系好咸，真系落重生抽去煮㖞。朋友叫埋鳗鱼嚟送
星期六食饭时间去到，得几枱客，所以都坐得舒服，但电视播住无线经典金曲，吵耳非常。
朋友一嚟就话要食甲罗烧，成78！蚊只，佢话非常之好食，真系对唔住，我朋友应该好少食好嘢嘅。甲罗烧嚟到，我揾唔到烧过嘅痕迹，只甲壳都几细只，蟹膏上面仲有啲结霜嘅蟹肉，味道正常，唔会唔好食，但略贵。
然后点左牛舌，和牛粒，金菇包，蚬，烧蚝，露笋，鸡肾，鸡皮，椰菜，螺….well, 日式虽然走盐烧路线，但淡牟牟，我问你对唔对得住啲盐呢 ？但好在牛有牛味，鸡有鸡味。但蚬就一d味都无，又贵！金菇都成6x蚊包，但牛油金菇都几香嘅，除左淡左啲之外。谂谂下，其实都几健康呀。
嚟到我最爱嘅蒜蓉茄子，成35蚊条，但店主入d细细只嘅货，搞到我俾人笑，烧完仲要切开九份，细细旧咁，教我点张茄子肉一条条咁撕离烧㶶左嘅茄子皮？可能店家有呢层嘅考虑，所以唔会张茄子烤㶶烤软，等你可以连皮吃挂？
仲有食左羊肉，重羊苏味，少少咸味咁。玉子烧，无乜惊喜。
最惊喜成廿蚊碗嘅卤肉饭，点解？一来贵到咸左，二嚟真系好咸，真系落重生抽去煮㖞。朋友叫埋鳗鱼嚟送饭食，成68半条㖞！味道ok嘅。
呢间主食种类都唔系好吸引，唔太推介当正餐食，真系贵。服务方面，都几快落到单嘅，但系佢自己得返d大条露笋，就要我地加3蚊，好似有点儿..
总结系，真系唔好相信劣食之鬼嘅推介。
张贴