犇殿台灣火鍋 (德福廣場1期)

营业中

休息中

今日中午同老婆食火锅放题，谂住简简单单食个最普通既餐，应该有牛猪羊鸡肉及其他一般火锅放题有既食物，点知呢铺真系中伏。牛猪羊鸡肉正常质素，但会跟人数俾，2人每盒最多3片肉(有时得2片)，但肉既大小都算可以，所以要不断叫。中伏位黎喇，因为除左自助吧食物外，其余食物都要用app落。我地食最平既$158餐，除左上面既肉外，个app可以叫“免费”同收费食物。所谓“免费”大概只有5、6种，有2种售罄，其余食物当我点时显示要俾钱，咁我就问侍应系咪有错，佢就同我讲因为我系叫最平既餐，所以呢d“免费”食物系要收钱。大佬呀，既然要收钱，点解唔系放系收费食物入面呀，如果其他人无留意落左单，埋单时咪大X镬？我个人觉得你都收得$158，连埋加一都要$170，系咪要咁小家？我去牛大人或牛驿，人地都系差唔多价钱，都可以叫好多非肉类食物如鸭血、燕饺等等，所以我地成餐只系叫肉同食自助吧既少量食物如丸、菜、小食及甜品等大概10零款食物。总括黎讲，中午放题性价比好低，食物及饮品种类少，唯一可幸系可以1315前离座有7折，埋单每人大概$125，叫做心理好过d啦。经过今次后，我唔会再帮衬呢间野，以后都系去番牛大人或牛驿算喇。