犇 (已結業)

平时到海光街都系食沾面多, 但同事唔太啱食。行过见到呢间有位唔使等, 又见到呢D小店间局, 谂住可能有惊喜...入到去坐低, 枱颇窄, 装修简单。午餐餐牌约由$60 - $100可选餐汤或餐饮, 加一份主菜。餐汤系杂菜汤兴趣不大我拣咗羊架而我朋友拣咗猪肋骨等咗一阵主菜嚟喇, 个羊架放底时我个心真系一沉,唉一阵间又要食下午茶先掂。$100换来嘅只有两件颇细嘅羊架,我Order五成熟但嚟咗一块四成一块六七成熟。羊架应该系腌过嘅, 但D黑椒好唔平均地聚埋一堆，其实腌咗就唔使落Gravy啦, Gravy又太多而且已淋咗颇多系羊架上, 令整体过咸。薯条正常, 上面落咗D少少辣嘅味粉, 但又再俾茄汁, 情况有D混乱。沙律勉强。感觉上成碟食物系冇乜Synergy可言, 唔太好食亦唔够饱。猪肋骨朋友话唔错, 份量亦较合理餐饮热咖啡唔错, 但我Friend叫嘅冻柠茶少甜就超甜整体上个人认为有好大进步空间。