金牌海鮮火鍋 (已結業)

朋友话呢度嘅牛杂煲好正，于是一行六人到这里。牛杂果然好味，尤其牛粉肠，又腍又入味。但最惨系肥牛唔掂！店员推介极品安格斯手切牛颈脊，就叫呢样，点知……牛肉味有，但非常“鞋“口！而且一睇就知不是手切。另外友人推介花雕牛，都几香，但二百几蚊得几片！友人问店员点解咁细碟，是否分大小size?店员说只有一种，是这样的。友人说之前食过几次，都系大碟啲嘅，店员就话个师傅确系今日新嚟，可能唔知份量，跟著收番碟牛，换过碟大啲嘅！ 最搞笑系，友人临尾追加午餐肉，冇睇餐牌，就咁叫个店员加。食完先知，呢碟午餐肉价值$128，因为系加拿大的我反而觉得屋企𠮶只中国白猪仔午餐肉仲好食！不过呢度嘅响铃同饺子就好味。可惜我系牛魔王，牛肉唔掂，唔会再嚟。六个女仔，冇饮嘢，都每人400，唔抵。