馬來一菜館

营业中

休息中

继续喺上完堂之后喺附近揾食，谂住考完试食好少少，所以揾咗依间喺酒店嘅马来西亚餐厅。环境几好有情调，气氛唔错，适合聚会聊天。餐厅系马来西亚餐厅，所以感觉都几新鲜。我哋两个人分别叫咗一个炒贵叼，一个海南鸡饭，同烤羊肉牛肉串。炒贵叼本身谂住马来西亚贵叼会唔会有啲特色，配菜方面系有少少唔同，好似竟然系有腊肠，但不外乎都系加咗蛋同虾仁。讲真味道不如茶餐厅嘅干炒牛河好味，所以都真系一般般，不过不失。海南鸡饭呢个我见有人推介，谂住试试会唔会有惊喜，但都系普通嘅海南鸡饭，冇咩特别同特色羊肉及牛肉串烧呢个算系最好味嘅𩠌，但比起街边嘅串烧仍然系差好远，唔够香口，而且佢嘅份量真系好细好细，性价比低三样嘢，最后埋单四百几蚊。味道一般胜在环境气氛搭够，不过应该唔会再有下次。