影片
更多
2023-01-26
880 浏览
喺太古坊返工，平日中午食饭时间经过唔算多人等，今日天气冻，想食汤粉面，便相约友人首次尝试这餐厅！当日黎到大概12点45分左右，喺门口等咗10分钟左右就入得。我哋安排到坐最入嘅两人位，地方浅窄，有啲迫！睇吓餐牌有套餐，又有单叫。套餐包一碗面，一个小食，以及一杯饮品，因为惊食唔晒，所以冇嗌套餐。友人介绍呢间餐厅出名，食虾汤面，因此我就点了一个虾肉鱼片掺掺面。下单需要QR code，本人不是太喜欢用code下单，对于年长一辈可能更太方便！过了10分钟，碗面嚟到，闻落唔系太香，汤底比想像中清淡，先饮一啖汤，汤底唔太鲜甜，味唔算浓，适合姥姥🤣再食一粒虾肉，同我想像中的口感差天共地！🫣本来以为虾肉爽口弹牙，点知鞋过沙纸！直程好似虾干！又干又鞋又靭嘅质感！佢应该系将啲虾煲汤，觉得唔好嘥，再放返系碗面度，俾人有真材实料嘅感觉！不过大佬呀，鞋到咁，真系唔放好过放，我宁愿行返几粒急冻虾仁落去好过！仲要收我$64！太唔值啦！反而鱼片弹牙爽口，一碗有四片！系有应有嘅份量！至于掺掺面，夹杂油面同米粉，米粉爽口但唔算太滑，油面还可以，冇乜特别，正正常常！服务方便，因为冇服务，所以无+1！整体嚟讲，如果要食面嘅真系
当日黎到大概12点45分左右，喺门口等咗10分钟左右就入得。
我哋安排到坐最入嘅两人位，地方浅窄，有啲迫！
睇吓餐牌有套餐，又有单叫。套餐包一碗面，一个小食，以及一杯饮品，因为惊食唔晒，所以冇嗌套餐。
友人介绍呢间餐厅出名，食虾汤面，因此我就点了一个虾肉鱼片掺掺面。下单需要QR code，本人不是太喜欢用code下单，对于年长一辈可能更太方便！
过了10分钟，碗面嚟到，闻落唔系太香，汤底比想像中清淡，先饮一啖汤，汤底唔太鲜甜，味唔算浓，适合姥姥🤣
再食一粒虾肉，同我想像中的口感差天共地！🫣
本来以为虾肉爽口弹牙，点知鞋过沙纸！直程好似虾干！又干又鞋又靭嘅质感！佢应该系将啲虾煲汤，觉得唔好嘥，再放返系碗面度，俾人有真材实料嘅感觉！不过大佬呀，鞋到咁，真系唔放好过放，我宁愿行返几粒急冻虾仁落去好过！
仲要收我$64！太唔值啦！
反而鱼片弹牙爽口，一碗有四片！系有应有嘅份量！
至于掺掺面，夹杂油面同米粉，米粉爽口但唔算太滑，油面还可以，冇乜特别，正正常常！
服务方便，因为冇服务，所以无+1！
整体嚟讲，如果要食面嘅真系唔使帮衬！如果为汤底而来，都可以试一次，不过一次就够！3/10分
虾肉鱼片虾汤面
$64
22 浏览
0 赞好
0 留言
张贴
