泰潮 (QRE Plaza) (裝修中)

早几日同同事一行9人去咗呢间野食lunch，正因为好耐之前刚开业嘅时候试过一次，就选择再番黎呢间野食，点知大失所望。首先，menu上写住set lunch，但其实只包一个main dishes，普通饮品都要另外加$12，请问咁样点叫做set lunch呢？虽然最后餐厅都送咗碟甜品俾我地，但系食完都唔觉得好饱肚。其中猪颈肉棵粉($68)份量偏少，店员话系胡椒汤底，但食落基本上冇咩味道，面底较少，似系轻食。反而pad thai($80)份量较多。食物质素一般，似系普通茶餐厅质素，性价比低。环境一般，只有几张枱，亦较嘈杂。