京都勝牛x TOKYO DOLCI (已結業)

近来好多新餐厅都钟意玩下噱头咁。呢间之前装修已经留意到。因为睇相几吸引，于是去咗试下。星期六下昼两个人去食，唔系太多人，去到直接有位。入座安排咗张细台，有少少逼。建议两个人，唔好坐细台，宁愿等下有大少少嘅台先入座！佢哋Scan QR code落order。未落order前，见到隔离啱好有张大少少嘅台埋单走，询问店员方唔方便俾我哋转位，答覆话安排唔到。睇咗一轮就落order。牛双味套餐x1炸里脊猪排套餐x1炸蚝x1热情果鲜桃特饮x1每落一个餐，店员都会简单介绍下。话说点解唔好坐细台，其实佢哋个餐摆盘，已经好占空间，摆完两个餐其实已经冇乜位。所以，最后上埋第二套餐嘅时候，店员都系好勉强咁塞落张台，个盘有1/4喺凌空咗嘅，就走咗。😥难以想像，边度仲有空间可以俾你点个炉加个细煎pan。嘢食方面，打卡ok，两个套餐味道就真喺有少少符合唔到个价钱，特别喺个牛，好失望。好似唔知食咗啲乜咁。杯特饮，酸到有少少寒酸，可能都喺打卡用吧。全部嘢，反而个饭同炸蚝ok。话说餐厅收加一都唔喺咩新鲜嘢，不过最后到埋完单走𠮶刻，我都谂唔明点解要俾加一。最后总结，间嘢适合发稿，打卡。真喺觅食的话，可能未必人人满意。