霞小飛 (已結業)

餐厅地点不俗，门面装潢有质感，价钱都贵贵地，不过可惜食物质素完全脱节，性价比奇低。如果价钱打6、7折，都可能会俾OK唔洗俾喊叫左二人餐，每人自选一款汤。朋友食宋嫂鱼羹，我就饮杏汁白肺汤。杏汁白肺汤已令人失望，首先佢声称系炖汤，但温度严重不足，同「不」出黎嘅是日例汤冇分别，味道方面，零杏仁味，一饮就知系现成鸡汤味 前菜拣左鸡丝粉皮同四喜烤麸。鸡丝粉皮味道靠麻酱，正正常常，而四喜烤麸就咸到好似浸豉油浸左几日咁食左一旧就冇食了......两款主菜分别系清炒虾仁同糖醋鱼块。清炒虾仁调味净系用左盐，但太咸了，落得太重手，啲虾仁细粒到虾米咁，但食一粒都要立即「爬」饭。糖醋鱼块啲鱼块有啲似斑块，唔错，不过个汁较得太浓太酸，食完个口都唔太舒服。甜品酒酿丸子个汤好大阵桂花味但完全冇酒香。