Dim Sum Library (已結業)

因为懒，所以而家先补写食评.....光顾嘅时候系父亲节，打去N咁多间餐厅酒楼都fully booked... 唯独是dim sum library 话十一点仲有位。我哋准时十一点到，食到十一点半都仲见到好多吉枱。由于限时九十分钟，所以我哋不敢怠慢，一坐低就嗌嘢食。其实睇番餐厅格局、进取嘅定价，居然仲要限时九十分钟，真系好令人O咀....好彩点心都唔算太耐，大约十五分钟就上枱。不过味道十分普通无惊喜。烧卖虾饺叉烧包都系正常货色，灌汤饺定价$88一客但用料唔算上盛丰富，新派点心如担担汤包同麻辣鳕鱼生煎包太浓味，直头可以讲系咸，完全盖过哂其他食材嘅味道。最好食系个星洲炒米，炒得干身香口，可惜分量好细只够二人用。至于服务方面我认为系不过不失。个别员工殷勤有礼，但有位制服唔同颜色嘅员工就完全配合唔到餐厅格调，首先佢动作系属于心急派，喺呢间相对叫优雅路线嘅餐厅当中颇为突兀，最搞笑系我哋食完点心，拎起个餐牌想嗌甜品嘅时候，佢即刻九秒九走埋嚟用相当无礼貌嘅语气同我哋讲:”限时个半钟㖞，你而家仲想嗌嘢？嚟到你都食唔切啦！” 当堂我哋所有人都打咗个突...无谂过呢间餐厅嘅员工可以咁唔友善，再者当时系十二点