影片
更多
2022-05-29
853 浏览
今日专登黎买旺角呢间好出名嘅卷蛋。开头以为要排队点知去到冇乜人。一入去，店员就sale佢地个卷蛋，仲话头先有位男士一次过买左5条。咁我心谂实好抵食同好好食，就开始拣味道。佢个menu上有多款口味拣，有oreo，有抹茶，有伯爵茶，有铁观音等，仲有麻薯款拣添！但我由始到终都见唔到价钱，同蛋糕展示柜都见唔到任何卷蛋嘅真身，净系可以靠openrice睇下相咁。结果我同朋友拣左铁观音麻薯同伯爵茶麻薯味，埋单𠮶阵时个店员话夹埋两条total要$276，我当堂吓左一跳，然后得啖笑。因为由始至终都冇谂过会过100蚊，仲要卖相又唔系好似网店咁咁靓，系普通卷蛋嘅样。咁我地唯有死死气比钱，然后揾个地方坐低试下。佢个蛋糕质地系属于柔软同埋少少湿，几好食嘅，两款茶味都非常浓郁，个cream都打得几好，好绵密，中间嘅牛奶麻薯都唔错，烟烟韧韧有牛奶味只可惜个价位实在太高，同埋重点系揾云成间舖都见唔到价钱。虽然我有责任买之前要问吓，但都真系吓亲，听到个价钱之后。因为真系觉得完全唔值得卖咁贵。我觉得最多最多都系大概80蚊系勉强可以接受嘅价格。之前喺新蒲岗𠮶间性价比高好多，呢间真心一次就够。咁嘅价钱，比唔到我惊艳嘅体验，
佢个menu上有多款口味拣，有oreo，有抹茶，有伯爵茶，有铁观音等，仲有麻薯款拣添！但我由始到终都见唔到价钱，同蛋糕展示柜都见唔到任何卷蛋嘅真身，净系可以靠openrice睇下相咁。
结果我同朋友拣左铁观音麻薯同伯爵茶麻薯味，埋单𠮶阵时个店员话夹埋两条total要$276，我当堂吓左一跳，然后得啖笑。因为由始至终都冇谂过会过100蚊，仲要卖相又唔系好似网店咁咁靓，系普通卷蛋嘅样。咁我地唯有死死气比钱，然后揾个地方坐低试下。
佢个蛋糕质地系属于柔软同埋少少湿，几好食嘅，两款茶味都非常浓郁，个cream都打得几好，好绵密，中间嘅牛奶麻薯都唔错，烟烟韧韧有牛奶味
只可惜个价位实在太高，同埋重点系揾云成间舖都见唔到价钱。虽然我有责任买之前要问吓，但都真系吓亲，听到个价钱之后。因为真系觉得完全唔值得卖咁贵。我觉得最多最多都系大概80蚊系勉强可以接受嘅价格。
之前喺新蒲岗𠮶间性价比高好多，呢间真心一次就够。咁嘅价钱，比唔到我惊艳嘅体验，佢只系个普通嘅卷蛋咁，同多啲唔同味拣。
张贴
