部屋咖啡室

上网见呢个Cafe环境食物睇错唔错，就book咗嚟庆祝朋友生日🎂一去到佢就话无位俾我哋，要去隔离间房坐，4个人坐喺张10人枱同人分枱，感觉极差，后来有一枱4人枱空咗出嚟先有得调返张细枱😥我哋叫咗个4人餐($758)加一个小食($55)，一开始见到沙律🥗嚟到都觉得正正常常，但系之后嚟咗嘅饭同意粉就真系唔掂☹️黑松露意大利饭用一个细铁碗装住，一睇以为系二人份量，最后一人只食得𠮶两三啖🤨味道也十分普通🫣之后嚟嘅卡邦尼意粉啲意粉痴埋一嚿，口感颇差😣，只有数片烟肉和磨菇配料，又系一人两三啖就食晒，一睇餐牌单点要成$135，真系极之唔抵，最后嚟嘅Pizza🍕虽然份量适中，但味道好一般😞而整体上价钱与食物质素和份量完全不成正比，食完四个人都唔够饱要去第二度食过🥵Cafe好多时都收服务费，但佢哋嘅服务态度真系好恶劣🫣 点餐方面佢已经要求我哋用画版落单，再行返去原本间房比佢，勘水要我哋自己行去勘(仲又要行返过去原本间房)，换细枱𠮶阵又要过去叫佢，除咗送餐过嚟真系唔知服务咗啲咩，真系好意思收服务费😔希望大家唔好中伏🙈旺角附近应该有好多更好嘅cafe选择