豚豚食堂

营业中

休息中

莅咗三几次，终于可以一口气比个评分。疫情开头无咩人，最近呢次等好耐。总括而言，$70可以食到餐日式饭，呢个质素好ok呀。咖喱炸猪扒奄列饭：炸粉唔算多，亦无油淋淋，肉质一般，饭软硬度算适中，蛋生少少会更开心，咖喱唔太甜，最怕日式咖喱甜到一个点。滑蛋猪扒饭：无咗咖喱汁，摆位唔同咗，其实质素都系噉上下。新子丼饭：鸡肉唔韧，蛋够滑，健康味，重口味的我要加豉油。烧鸡扒饭：上枱见佢啲饭白哂哂，原来都有少少味架㖞，鸡皮薄，无乜肥膏，整体比卖相好食。咖喱烧鸡扒饭：之前食鸡扒见啲饭白哂哂唔够开心，咪试咖喱啰，其实食过几次已经想像到味道。仲食过其他嘢，so far都无留下特别印象，例如我以为佢叫猪猪食堂，食咗个猪肉饭，吖，又唔系话超级劲好食咋㖞。不过，性价比我会比中间上少少。仲有得储印仔。