火山燒 (已結業)

喺荃湾广场买完野揾地方食lunch 见到对面呢间火山烧🌋门面装修系简约白色 几小清新 而入面虽然唔算好大 不过主要都系梳化卡位 所以几好坐❣️Lunch set都抵食之余仲有好多选择 除咗signature嘅石烧牛 仲有丼饭/意粉/burger/乌冬等等😍见到就开心◽300°C火山烧-SRF金标和牛肩胛肉眼呢个和牛肩胛肉眼起厚切🐂上枱时见到底面已经轻轻烧过 中间嘅肉仍然非常粉嫩💕旧石系咪真系300°C我就唔知 不过真系够晒热亦都好耐热 就算食得慢都唔洗怕☺️我就钟意烧到大概5成熟 肉质仍然保持鲜嫩 肉味浓郁仲好香tim 配咗两款酱汁 我觉得唔洗点都好好味啦❣️Set仲配咗一碗珍珠米饭 面头仲加咗饭素🤤◾蒲烧双层日本鳗鱼忌廉滑蛋珍珠米丼惊喜来自滑蛋 真系好嫩滑 蛋味都好特出🥚份量都几大碗 鳗鱼都好厚肉🥢另外加咗日本鱼丝 更加惹味◽彩虹棉花糖特浓朱古力◾鲜橙柳丁梳打所有lunch set都包埋餐汤同饮品 我哋同样都拣咗忌廉汤🥘而饮品就加钱转特饮 喂啊 你睇下我杯彩虹棉花糖特浓朱古力几吸引先得架🌈卖相靓之余 味道都好好 仲好大杯tim呢餐lunch 人均都唔洗$100😈绝对系超抵食 性价比劲高啊