焼肉スマイル (燒肉smile)

餐厅服务员嘅服务态度良好，好快带咗我地入位，又将唔同的套餐的分别介绍得好清楚，需要换烧烤网或点餐遇到因难时，员工都很快咁帮我地，态度十分nice!!食物方面，款食好多。我地叫咗厚薄切/角切牛舌、牛肋条、牛扒、牛五花腩、松阪猪、豚五花、鸡翼、鸡膝软骨、北寄贝、虾。啲肉都好新鲜，肉质好腍，啲牛都好重牛味，最中意佢个牛舌同牛五花腩，牛舌本身切嘅厚度啱啱好，唔会话太薄，因为食返佢本身有嘅口感，牛五花腩嘅油脂分布得都好平均，食落都觉得好香。而猪方面佢个松板猪简直正到不得了！猪好容易一烧过咗火候就好硬，但虽然我哋烧㶶咗少少，但居然佢嘅肉质都完全冇变，都仲系好腍，同埋好juicy！鸡软骨就食得多，而鸡膝软骨就真系第一次食，口感好特别，值得一试！佢嘅虾同北寄贝都好新鲜。而除咗menu上面的食物，自助吧亦有好多唔同款嘅食物，韩式小菜、肉、菜、酱汁。试咗佢啲韩式小食，味道都唔错。另外仲叫咗佢甜品，黑糖白玉奶酪同草莓奶酪。甜品都唔错，黑糖白玉奶酪有少少似珍珠奶茶嘅味道，而草莓奶酪就酸酸甜甜咁，食完解咗食太多肉嘅油腻感。呢餐性价比十分高！有够饱，食物又有质素！