影片
更多
2023-04-02
150 浏览
难得同朋友约到星期五晚饭聚，想试吓揾间静啲食得开心啲嘅餐厅。朋友介绍官塘区呢间楼上中餐八分厨，每晚只开一枱，而且有花胶有海鲜每人都唔使五百蚊，WhatsApp 去订枱，结果 book 到星期五晚，一行十人去开饭。虽然地址喺厂厦，但系入到去装修格局好似入咗另一个世界咁。餐厅一张大枱，仲有张小梳化，十个人入去好阔落，坐得舒服。一坐低老板问我哋睇电视定听歌，点埋饮品后闩埋咗度间门，畀我哋倾下计，人齐坐咗十至十五分钟就开饭。今晚因为第一次嚟，菜单点嘅系佢哋嘅花胶宴，成餐饭有三个花胶菜式，最有印象系一开始位上嘅花胶鲍鱼，同埋最后个甜品。花胶鲍鱼里面有好大嚿花胶，朋友话好味之余，仲要留返剩返啲汁捞饭；最后个甜品花胶啫喱，餐厅话系原创食品，街外冇得食，个甜品好清爽，里面嘅花胶少少弹牙，再加少少蜂蜜，啲几个女性朋友可以话系秒杀咗个甜品（甜品一嚟朋友剩系挂住食，相都冇影到...）。其他菜式大部份系手工菜，煮法同味道系似细个食嘅中菜嘅，大厨话佢哋唔落味精（朋友有味精敏感，第二朝早喺 wts grp 话完全冇问题），开舖都系想将顺德菜同旧有传统味道煮返出嚟，例如佢有个锅贴小棠菜，喺出面一啲老字号或者高级啲嘅
虽然地址喺厂厦，但系入到去装修格局好似入咗另一个世界咁。餐厅一张大枱，仲有张小梳化，十个人入去好阔落，坐得舒服。一坐低老板问我哋睇电视定听歌，点埋饮品后闩埋咗度间门，畀我哋倾下计，人齐坐咗十至十五分钟就开饭。
今晚因为第一次嚟，菜单点嘅系佢哋嘅花胶宴，成餐饭有三个花胶菜式，最有印象系一开始位上嘅花胶鲍鱼，同埋最后个甜品。花胶鲍鱼里面有好大嚿花胶，朋友话好味之余，仲要留返剩返啲汁捞饭；最后个甜品花胶啫喱，餐厅话系原创食品，街外冇得食，个甜品好清爽，里面嘅花胶少少弹牙，再加少少蜂蜜，啲几个女性朋友可以话系秒杀咗个甜品（甜品一嚟朋友剩系挂住食，相都冇影到...）。
其他菜式大部份系手工菜，煮法同味道系似细个食嘅中菜嘅，大厨话佢哋唔落味精（朋友有味精敏感，第二朝早喺 wts grp 话完全冇问题），开舖都系想将顺德菜同旧有传统味道煮返出嚟，例如佢有个锅贴小棠菜，喺出面一啲老字号或者高级啲嘅中菜馆先有得食；另外烤双方，系从前宫庭菜嘅菜式之一，咸咸地甜甜地有蜜汁火腿有包有炸腐皮，出面好少食到，值得试吓。
大厨间中会出嚟问我哋够唔够食，又会解释吓啲𩠌菜有乜特别，但大部份时间都只系我哋一围枱人倾计食嘢，私隐度可以话好高（讲嘢唔怕嘈到人），而且最后埋单计埋汽水饮品真系每人五百唔使落到楼，佢哋冇加一冇开瓶费，成个环境，食物水准，服务都只系呢个价钱，喺出面酒楼叫豪啲都唔只，而且大厨话呢个「基本版」花胶宴见唔到佢功夫，叫我哋下次嚟可以试吓厨师发办。
今次系一个开心嘅饭局，所以想介绍一下呢间官塘嘅小店。
花胶鲍鱼位上
3 浏览
0 赞好
0 留言
烤双方
7 浏览
0 赞好
0 留言
豉油皇虎虾
10 浏览
0 赞好
0 留言
榄豉蒸花尾趸（有树子拣，台湾颇流行的食材，下次试）
14 浏览
0 赞好
0 留言
蟹肉节瓜圃
11 浏览
0 赞好
0 留言
蚝仔肉碎泡饭
13 浏览
0 赞好
0 留言
题外话/补充资料：
餐厅好注重开饭时间（例如 book 咗六点半，如果最后七点先齐人可通知改时间），我哋去到佢就问系唔系准时，唔得嘅可以立刻通知，因为佢哋好注重啲菜式出嚟嘅时间，惊一上碟要等就会打折扣...睇佢哋对食物有一定坚持。:)
(以上食记乃用户个人意见 , 并不代表OpenRice之观点。)
张贴
