新南苑私房菜火鍋鷄煲 (華僑商業中心) (已搬遷) 新店位置

我地一行今次8个人黎打边炉，一早已经book左位，佢安排咗间房仔比我地，大笑都唔怕骚扰到隔离，非常好🤣🤣👍🏼先食鸡煲，叫左小辣同中辣，小辣朋友们较喜欢，中辣就稍为辣左少少，可能只系个人不同喜好。鸡煲食完可以无限refill，值得一赞，亦满足哂我地一班食肉兽嘅瘾！🤤之后打边炉就叫咗个蟹窝花甲汤底，都有一只蟹，不过花甲就得6、7只，一人都冇一只🤦🏻‍♂️所以个汤头都唔算好甜好足料。至于个得一份嘅海鲜拼盘，有脆肉鲩、大虾、鲍鱼、带子、桶蚝、象拔蚌同蚬，都几新鲜，渌起黎本身都够甜，不过汤底就冇乜渗到入食材喇☹️总括黎讲，得一份或加钱嘅材料鲜度唔错，反观任食嘅火锅材料就一般般，唔算好吸引。在商言商，我都明白任食始终唔可能俾啲好贵价嘅食材，不过响佢入场价已经唔算平嘅情况下，情价比可以再改善。