滷友記 (加路連山道) (已結業)

加路连山道同希云街不嬲都多小店餐厅开系呢到，我间唔中都会黎呢头睇下有乜新餐厅，见到呢间叫卤友记原来系台式卤水，木枱木櫈水泥墙都几靓，仲一路播住F.I.R.超正，用手机落单，连边样野售罄都会show出黎好方便我就叫左个台式酥炸鸡扒饭，皮脆有肉汁配埋台式肉燥汁啱哂送饭，老婆就叫左个卤友牛三宝，牛展好有牛味、牛筋够哂淋，牛柏叶就好入味，汤底有得拣卤水麻辣酸辣胡椒，有面、米线、米粉，仲加左个10蚊时菜。加个冻即磨咖啡都系6蚊，老婆就加10蚊饮左个有气四季柑桔汁，埋单都系$156，都几抵食